Transcription
1
Monsieur, je vous diray en premier lieu que jay receu votre lettre par ung batellier et celles de
2
ma seur de Lessins, lesquelles vous mercie humblement la peyne quil vous a pleu en prandre.,
3
Je vous avoys escript que vous envoyoys ung pacquet pour le roy en responce des lettres q’uavoyt
4
pleu à sa magesté mescripre, et despuys le retins sans en faire mention, le cuydant envoyer par ung
5
courryer qui passoit comme mavoyt adverty monsieur le cardinal d’Armaignac, et astheure
6
despechant ung que mon filz de Sassenaige ma envoyé par voye que je cuyde assés seure,
7
vous envoye avec le remercyement que dessus des lectres dudit sieur cardinal et aultres
8
pour vous cy enclozes avec ung double de ledctre quil vous envoye avec une sienne dans ung
9
pacquet à cachet vollant affin que je visse le discours de la lecture de Sainct Romain tendant
10
aux mesmes advys que vous avés, à quoy je m’asseure que vous pourvoyrés de votre costé
11
de tous voz moyens. Et quant les ennemys verront que de tous coustés lon se prepare
12
à resister à leur inique, maulvayse et pernissieuze voluncté, ilz acepteront peult estre
13
une ˶ [ajouté : ˶ bonne] paix, laquelle Dieu nous donrra quant il luy plairra ; et si javoys le moyen
14
comme la volanté, je memployeroys de fort bon cœur pour leur resister et que dicelluy
15
je me recommande humblement à vostre bonne grace, et prie Dieu quil vous doinct,
16
monsieur, très bonne saincté, heureuse et longue vie. De Lers, ce XXIIIe mars 1574
17
Vostre plus affettionné
18
obeissant à jamès Suze
19
Avant de anvoié le double [mot barré] de la lettre que le
20
roy mescript jen attentz la responsse de
21
[monseigneur ou monsieur] le mareschal, laquelle vous ferey aussi
22
[tost ?] antendre. Il est allé à Pesenas conduyre
23
madame la mareschalle et doibt estre de retour
24
au premier jour à Beuquere [=Beaucaire] pour y voyr la
25
resolution deste conferance ; laquelle Dieu
26
veulle quelle reussisse au souhet des gentz
27
de bien. Jey respondu à ma seur par ceste mesme
28
que je desireroys scavoyr si avés resseu ceste
29
despesche et par mesmes moien et de quoy il
30
verifi sil ara point esté prins par
31
Vivarès, car voiez ledit sort fort secretz
32
par la voie des battelliers mès quilz se
33
gouvernent bien par où il vous est plus
34
aisé nous fère savoyr de vous nouvelles que à nous de celles
35
de ce peïs, vous priant aussi me mander si avez reseu
36
la despeche que vous fis par le cappitene Laval allant à Vivyers
37
[pour donner] ung pacquet pour ma seur